Vox feminae og strengjasveit Sinfóníuhljómsveitar áhugamanna sameina krafta sína á tónleikum í Seltjarnarneskirkju laugardaginn 23. maí kl. 16.00.
Tónleikarnir bera yfirskriftina Óður til alheimsins og á efnisskránni eru fjögur verk eftir Ola Gjeilo, John Rutter og Gustav Holst. Um er að ræða frumflutning á Íslandi á tveimur þessara verka. Tónverk þessi eru fremur sjaldan flutt, enda óvenjulegt að semja sérstaklega fyrir strengjasveit og kvenraddir.
Efnisskrá:
- Ola Gjeilo: Tundra
- John Rutter: Visions – frumflutningur á Íslandi
- Gustav Holst: Seven Part-Songs – frumflutningur á Íslandi
- Ola Gjeilo: Song of the Universal
Stjórnandi tónleikanna er Stefan Sand. Einnig koma fram:
- Anna Keil, söngkona
- Arnhildur Valgarðsdóttir, píanóleikari
- Martin Frewer, fiðluleikari
Miðaverð er 4.900 kr. og miðar eru fáanlegir á www.tix.is.
